Vinisius qishki transferlar vaqtida «Real»ni tark etishi mumkin
Madridning «Real» klubi hujumchisi Vinisius Junior qishgi transfer oynasida jamoani tark etishi mumkin. Bu haqda taniqli insayder Ekrem Konur xabar bermoqda .
Manbaga koʻra, braziliyalik vinger «qaymoqranglilar» bilan yangi shartnoma borasida kelishuvga erisha olmayapti.
Shu bois unga «Manchester Siti», «Chelsi» hamda bir qator Saudiya Arabistoni klublari jiddiy qiziqish bildirmoqda.
Maʼlumot uchun, 25 yoshli Vinisius 2018 yildan buyon «Real» sharafini himoya qilib keladi. Joriy mavsumda u klub miqyosida 23 ta o‘yin o‘tkazib, 6 ta gol va 5 ta golli uzatma muallifi bo‘ldi.
Vinisiusning «Real» bilan tuzgan amaldagi shartnomasi 2027-yilning iyun oyigacha amal qiladi. Transfermarkt portali braziliyalik futbolchining bozor qiymatini 150 million yevroga baholamoqda.
