Vinisius Junior «Real»ni tark etishi mumkin — manba
“Real” klubi futbolchisi Vinisius Junior yozgi transferlar oynasi vaqtida jamoasini almashtirishi mumkin. Bu haqda jurnalist Ramon Alvares xabar berdi.
Manbaga ko‘ra, Madrid klubi braziliyalik futbolchi bilan shartnomani uzaytirish ehtimoli juda kam, deb hisoblamoqda.
Vinisiusning kelajagi borasida klub hali yakuniy qarorga kelmagan. Sababi, futbolchi ayni paytda Braziliya milliy terma jamoasi safida 2026 yilgi Jahon chempionati bahslarida ishtirok etmoqda. Musobaqa yakuniga yetgach, barcha masalalar hal bo‘lishi kutilmoqda.
Eslatib o‘tamiz, Vinisius Junior 2018 yilda Braziliyaning “Flamengo” klubidan Madridning “Real” jamoasiga o‘tgan edi. Hozirgacha madridliklar safida 373 ta o‘yinda ishtirok etib, o‘z hisobiga 127 ta gol va 100 ta golli uzatma yozdirib qo‘ygan. Uning klub bilan shartnomasi 2027 yilning yozigacha amal qiladi.
