Vinisius: «Jamoam va muxlislardan uzr so‘rayman»
Madridning «Real» klubi yarim himoyachisi Vinisius Junior jamoaning Ispaniya chempionati 8-turi doirasidagi bahsda «Vilyarreal» (1:0) ustidan qozongan g‘alabasi va o‘zining chetlatilgani haqida fikrlari bilan o‘rtoqlashdi. O‘yinning 74-daqiqasida Vinisius raqibning sochlaridan ushlab qolgani uchun to‘g‘ridan-to‘g‘ri qizil kartochkaga loyiq ko‘rildi.
«Xursandchilik davom etadi… Jamoam va muxlislardan uzr so‘rayman», — deb yozdi Vinisius ijtimoiy tarmoqlardagi sahifasida.
Ma’lumot uchun, Ispaniya chempionati 8-turidan keyin «Real» 18 ochko bilan uchinchi o‘rinni egallab turibdi. Minimal hisobda mag‘lub bo‘lgan «Vilyarreal» esa 8 ochko bilan jadvalning 13-pog‘onasini band etgan. Yakka peshqadam hamon «Barselona», kataloniyaliklar hisobida 24 ochko mavjud. Ikkinchi — «Atletiko» (19 ochko).
