Vinisius agentidan yangi jamoa topishni soʻradi
Madridning «Real» klubi hujumchisi Vinisius Junior oʻz agentidan yangi jamoa topishni soʻradi. Bu haqda Cadena SER nashri xabar bermoqda.
Manbaga koʻra, braziliyalik futbolchi agar bosh murabbiy Xabi Alonso uni kelajak rejalarida muhim oʻyinchi sifatida koʻrmasa, klub bilan yangi shartnoma imzolash niyatida emas.
Eslatib oʻtamiz, Ispaniya La Ligasining 10-turi doirasidagi «Barselona»ga (2:1) qarshi oʻyinda Vinisius 72-daqiqada almashtirilgach, murabbiyga nisbatan keskin noroziligini bildirgan va maydonni tark etib, tunnelga yoʻl olgandi. Biroq oradan biroz vaqt oʻtib, futbolchi zaxira o'rindig‘iga qaytib kelgan va oʻyinni jamoadoshlari bilan birga tomosha qilgan.
Maʼlumot uchun, Vinisius joriy mavsum barcha turnirlarda 13 ta oʻyinda maydonga tushib, 5 ta gol urdi va 4 ta golli uzatmani amalga oshirdi. Uning Transfermarkt'dagi narxi 150 million yevroga baholanmoqda.
