Vidich: «Yamal hech qachon to‘g‘ri chiziq bo‘ylab yugurmaydi»
«MYU»ning sobiq himoyachisi Nemanya Vidichning fikricha, Ispaniya terma jamoasi vingeri Lamin Yamalning harakatlari Portugaliya himoyachisi Nunu Mendeshning jarohat olishiga olib kelgan.
JCH-2026 1/8 finalidan o‘rin olgan uchrashuv Ispaniyaning 1:0 hisobidagi g‘alabasi bilan yakunlandi. Mendesh Yamal ortidan tezkor yugurish amalga oshirganidan so‘ng, 56-daqiqada jarohat sababli zaxiraga olindi.
«Bu yigitchaning naqadar ajoyibligi mana shunda. Mening fikrimcha, u mini-Messi — men uni shunday atayman. U o‘z fintlari va driblingi bilan Nununi qanot bo‘ylab bir necha bor yugurishga majbur qildi, yakunda esa u shunday tezkor harakatlardan birida jarohat oldi.
Lamin Yamal hech qachon to‘g‘ri chiziq bo‘ylab yugurmaydi — u to‘p bilan doimiy ravishda harakat yo‘nalishini o‘zgartiradi va aql bovar qilmas ishlarni amalga oshiradi. Uning o‘yinini kuzatish shunchaki zavq bag‘ishlaydi», – dedi Vidich.
