Uobi: «Marokash JCH-2026da chempionlik uchun kurasha oladi»
Marokash terma jamoasi bosh murabbiyi Mohamed Uobi jamoasining Jahon chempionati–2026 pley-off bosqichiga chiqqanini izohladi.
«Qaysi raqibga qarshi o‘ynashimizdan qat’i nazar, bizda kuchli tarkib, ajoyib murabbiylar shtabi va beqiyos muxlislar bor. O‘zimizga ishonishimiz uchun barcha imkoniyatlar mavjud. Marokash yangi bosqichga ko‘tarildi. Endi futbolchilar o‘z kuchiga ishonadi, raqiblar esa jamoamizni hurmat qiladi.
Biz bu maqsadga — jahon chempionligini qo‘lga kiritish vazifasiga ishonishimiz kerak. Bu yo‘lda bor kuchimizni berishimiz, raqiblarga hurmat bilan qarashimiz va maqsadga yuz foiz sadoqat bilan yondashishimiz lozim. Men o‘z ishimga ham, shtabim ishiga ham katta ishonch bildiraman. Eng yaxshi mamlakatga aylanishimiz uchun barcha omillar bizda mavjud.
Menda raqib bo‘yicha alohida istak yo‘q. Ertaga kimga qarshi o‘ynashimizni bilamiz. Kim bo‘lishidan qat’i nazar, o‘sha o‘yinga ham xuddi shunday qat’iyat va ishonch bilan chiqamiz», — dedi Uobi France 24 nashriga bergan intervyusida.
Marokash terma jamoasi guruh bosqichini 7 ochko bilan yakunladi va pley-offga yo‘l oldi.
