UFA Fatih Terim bilan muzokara olib bormoqda
JCh–2026 yo‘llanmasiga ega chiqqan terma jamoa uchun yangi bosh murabbiy izlanmoqda
Rasm: Telegram
O‘zbekiston futbol assotsiatsiyasi milliy terma jamoa uchun yangi bosh murabbiy izlashda davom etmoqda. Ilgariroq nomzod sifatida ko‘rib chiqilgan Yoaxim Lyov rad javobini berganidan so‘ng, e’tibor yana bir mashhur mutaxassis — 71 yoshli turk murabbiyi Fatih Terimga qaratildi.
Championat.asia nashrining xabar berishicha, UFA hozirda Terim bilan muzokaralar olib bormoqda. Taniqli murabbiy O‘zbekistondan kelgan taklifni ko‘rib chiqish uchun vaqt so‘ragan va hali yakuniy qarorini bildirganicha yo‘q.
Hozircha shartnoma muddati yoki moliyaviy jihatlar haqida ma’lumot yo‘q. Agar Terim rozilik bersa, u darhol ishga kirishishi mumkin.
Bakradze Iman
Redaktor