U-17 Osiyo Kubogi. O‘zbekiston BAA'ga qarshi oq libosda oʻynaydi
Ertaga, Oʻzbekiston U-17 terma jamoasi Osiyo kubogi chorak final bosqichi doirasida Birlashgan Arab Amirliklariga qarshi bahs olib boradi.
Bugun o‘yin oldidan jamoalar rasmiylari ishtirokida uchrashuv bo‘lib o‘tdi. Unda OFK tomonidan ishtirokchilarga bir qator yoʻnalishlarda, xususan, reglament, hakamlik, tibbiyot, media va marketing masalalari boʻyicha tushuntirish va eslatmalar berib oʻtildi.
Shuningdek, musobaqaning pley-off bosqichi doirasidagi uchrashuvlarning barchasida VAR tizimidan foydalanilishi ma’lum qilindi.
Mazkur o‘yinda futbolchilarimiz toʻliq oq libosda, darvozabonimiz esa yashil libosda harakat qiladi.
Eslatib oʻtamiz, uchrashuv 13-aprel kuni Toshkent vaqti bilan soat 22:15 da Toif shahridagi “Qirol Fahd” stadionida start oladi.
