Tibo Kurtua “Real Madrid” bilan shartnomani uzaytirishga yaqin turibdi
FOTO: Getty Images
Madridning “Real” klubi darvozaboni Tibo Kurtua “qaymoqranglilar” bilan shartnomasini uzaytirishga yaqin turibdi. Bu haqda insayder Nikolo Skira xabar bermoqda.
Manbaga ko'ra, Kurtua va ispan grandi kelishuvni 2027-yilning yoziga qadar uzaytirishni rejalashtirishmoqda. Belgiyalik golkiperning amaldagi shartnomasi 2026-yilning yoziga qadar mo'ljallangan.
Ma'lumot uchun, Kurtua joriy mavsum “Real” safida jami 44 ta o'yinda maydonga tushib, 50 ta gol o'tkazib yubordi va 14 ta o'yinda o'z darvozasi daxlsizligini saqlab qoldi. Uning Transfermarkt'dagi narxi 25 million yevroga baholanmoqda.
Nasrullo Karimov
Jurnalist
