Ter Shtegen yozda «Barselona»ni tark etishi mumkin
«Barselona» darvozaboni Mark-Andre ter Shtegen yozgi transferlar oynasida klubni tark etishi mumkin, deb xabar beradi Mundo Deportivo.
Manbaga ko‘ra, 34 yoshli germaniyalik darvozabonni «blaugrana» rahbariyati kelasi mavsum uchun asosiy variant sifatida ko‘rmayapti. Shu bilan birga, har ikki tomon ham klubni, ham o‘yinchini qoniqtiradigan yechim topishga tayyor ekani qayd etilgan.
Ter Shtegenning o‘zi takliflarni tinglashga va boshqa jamoaga o‘tishga tayyor. Uning uchun ustuvorlik – yana asosiy darvozabon bo‘lib, muntazam o‘yin amaliyotiga ega bo‘lishi mumkin bo‘lgan loyihadir.
Shunga qaramay, futbolchining «Barselona» bilan amaldagi shartnomasi 2028-yilning yoziga qadar mo‘ljallangan, shuning uchun uning klubda qolib, yangi mavsumga tayyorgarlikni boshlashi va mavsumoldi o‘yin vaqtini olishi mumkin bo‘lgan variant ham mavjud.
Kataloniya klubi, o‘z navbatida, ehtimoliy transferga, jumladan, ijara variantiga ham yordam berishga tayyor. Shuningdek, «Barselona»ning o‘yinchi maoshining bir qismidan hali ham qarzdorligi borligi va bu to‘lovlar kechiktirilgani haqida xabar berilgan.
Joriy mavsumda ter Shtegen «Barselona» safida bitta o‘yin va mavsumning ikkinchi yarmida ijaraga ketgan «Jirona» safida ikkita o‘yin o‘tkazdi. U yanvar oyidan beri sonining orqa yuzasi mushaklari yirtilishi tufayli o‘tkazilgan jarrohlik amaliyotidan so‘ng o‘ynamayapti.
