«Surxon» Chinedu bilan shartnomani uzaytirib, uni «Paxtakor»ga ijaraga berdi
“Surxon” futbolchisi Stefan Chinedu bilan amaldagi shartnoma 2027 yilgacha uzaytirildi. Bu haqda termizliklarning matbuot xizmati xabar berdi.
Manbaga ko‘ra, hujumchi mavsum yakuniga qadar “Paxtakor” klubiga ijaraga berildi.
“Jamoamiz hujumchisi Stefan Chinedu bilan amaldagi mehnat shartnomasi 2027 yil yakunigacha uzaytirildi. Shuningdek, tomonlar o‘rtasidagi kelishuvga ko‘ra, nigeriyalik hujumchi 2026 yilgi mavsum yakunigacha ijara asosida “Paxtakor” futbol klubida faoliyat olib boradi.
Ma’lumot uchun, Stefan jamoamiz safida jami 14 ta rasmiy uchrashuvda maydonga tushib, raqiblar darvozasini 10 bor ishg‘ol qildi va o‘zining samarali o‘yinlari bilan muxlislar e’tiborini qozondi. Jamoamiz Chineduga klubimiz safidagi fidokorona mehnati uchun minnatdorchilik bildiradi”, — deyiladi xabarda.
