Superto'purar “Manchester Yunayted”ga yo'q dedi
FOTO: Getty Images
Portugaliyaning “Sporting” klubi hujumchisi Viktor Gyokeresh “Manchester Yunayted” taklifini rad etdi. Bu haqda Record nashri xabar bermoqda.
Manbaga ko'ra, 27 yoshli futbolchining agentlari uning qarori haqida allaqachon mankunianliklar rahbariyatini xabardor qilgan.
Eslatib o'tamiz, avvalroq “qizil iblislar” Gyokeresh transferi uchun “Sporting”ga 71,4 million yevro to'lashga tayyorligi haqida xabarlar tarqalgandi. Unga hozirda “Arsenal” va “Yuvnetus” klublari ham qiziqish bildirmoqda.
Ma'lumot uchun, Gyokeresh o'tgan mavsum barcha turnirlarda 52 ta o'yinda maydonga tushib, 54 ta gol urdi va 13 ta golli uzatmani amalga oshirdi. Uning Transfermarkt'dagi narxi 75 million yevroga baholanmoqda.
Nasrullo Karimov
Jurnalist