Sherki — \"Manchester City\" futbolchisi (Romano)
Transfermarkt portali fransiyalik futbolchini 45 million yevroga baholamoqda
Photo: Getty Images
“Lion” va Fransiya terma jamoasi yarim himoyachisi Rayan Sherki “Manchester City” futbolchisiga aylandi. Bu haqda jurnalist Fabrizio Romano xabar berdi.
Qayd etilishicha, klublar transfer shartlarini to‘liq kelishib olgan. “Lion” futbolchining transferidan 35 million yevro hamda qo‘shimcha bonuslar oladi.
O‘tgan mavsumda 21 yoshli hujumkor yarim himoyachi barcha musobaqalarda 44 ta o‘yin o‘tkazib, 12 ta gol urdi va 20 ta assist muallifi bo‘ldi.
Transfermarkt portali fransiyalik futbolchini 45 million yevroga baholamoqda.
Roziqjon Sultonmurodov
Jurnalist