Sanches «Inter»ning diqqat markazida
“Galatasaray” markaziy himoyachisi Davinson Sanches “Inter”ga o'tishi mumkin. Bu haqda insayder Ekrem Konur ma'lum qildi.
Manbaga ko'ra, milanliklar kolumbiyalik futbolchini “Chelsi” himoyachisi Trevo Chalobaga muqobil variant sifatida ko'rmoqda. Ayni paytda Sanchesning “neradzurri”ga ko'chib o'tish ehtimoli Chalobening transferidan yuqoriroq ekani ta'kidlangan.
Shu bilan birga, “Inter” himoya chizig'ini kuchaytirish uchun boshqa nomzodlarni ham o'rganmoqda.
2025/2026 yilgi mavsumda 30 yoshli Sanches barcha musobaqalarda 45 ta uchrashuvda ishtirok etib, 2 ta golli uzatmani amalga oshirdi.
Uning “Galatasaray” bilan shartnomasi 2029 yil iyunigacha amal qiladi. Transfermarkt ma'lumotiga ko'ra, futbolchining bozor qiymati 16 million yevroni tashkil etadi.
