Saloh Misr terma jamoasining JCH tarixidagi eng yoshi katta gol muallifiga aylandi
Misr terma jamoasining 34 yoshli hujumchisi Muhammad Saloh jahon chempionatlari tarixida milliy jamoa safida gol urgan eng yoshi katta futbolchiga aylandi, deb xabar beradi Opta.
2026 yilgi jahon chempionati guruh bosqichi 2-turining Yangi Zelandiya terma jamoasiga qarshi o‘yinida (3:1) hujumchi 34 yosh-u 7 kunligida, 67-daqiqada gol urib, misrliklarni oldinga olib chiqdi.
"Liverpul"ning sobiq futbolchisi 1990 yilda Niderlandiya terma jamoasi darvozasiga 31 yoshga to‘lishidan sal oldin (30 yosh-u 320 kun) gol kiritgan Magdi Abdulғaniyning rekordini yangiladi.
Jahon chempionati guruh bosqichining ikki turidan so‘ng Misr terma jamoasi to‘rt ochko jamg‘arib, G guruhini boshqarib turibdi. Terma jamoaning navbatdagi uchrashuvi 27 iyun kuni Eronga qarshi bo‘lib o‘tadi.
