Rüdigerning «Real»dagi kelajagi ma’lum
Germaniyalik futbolchining “qirolicha klubi” bilan o‘rtasidagi kelishuv 2026 yil yozigacha amal qiladi.
ФОТО: Getty images
“Real” klubi himoyachisi Antonio Rüdiger mavsum yakunida jamoani tark etishi mumkin. Bu haqda Germaniyaning Bild nashri xabar berdi.
Germaniyalik futbolchining “qirolicha klubi” bilan o‘rtasidagi kelishuv 2026 yil yozigacha amal qiladi.
Biroq, “Real” rahbariyati futbolchi bilan yangi shartnoma imzolashni rejalashtirmayapti.
Shuningdek, klub bosh murabbiyi Xabi Alonso Rüdigerning o‘yinida barqarorlik yetishmasligidan tashvishga tushgan.
Ispaniyalik mutaxassis klub rahbariyatiga himoya chizig‘ida Éder Militão va Dean Huijsen juftligiga ishonch bildirishini aytgan.
Ma’lumot uchun, joriy mavsumda Rüdiger jarohat sabab atigi bitta o‘yinda maydonga tushgan. Futbolchi katta ehtimol bilan dekabr oyida safga qaytishi kutilmoqda.
Roziqjon Sultonmurodov
Jurnalist
