"Real" yulduzi endi jamoada o‘ynashni istamayapti – o‘rnidan norozi

Futbol 13 may 2025 da 06:18

Bakradze Iman

Redaktor

Ispaniyaning Marca nashri xabar berishicha, "Real Madrid" vingeri Rodrigo jamoani tark etmoqchi. Manbalarga ko‘ra, 24 yoshli braziliyalik futbolchi Kylian Mbappe va Jude Bellingham soyasida qolib ketayotganidan norozi. Bu holat hatto uning vatandoshi Vinisius Junior bilan munosabatlariga ham salbiy ta’sir ko‘rsatgan.

Ma’lumotlarga qaraganda, klub ham uni sotishga qarshi emas, chunki rahbariyat Rodrigoga bog‘liq doimiy muammolardan charchagan.

2024/25 yilgi mavsumda Rodrigo "Real" safida 50 ta o‘yinda maydonga tushib, 13 ta gol va 10 ta golli pas muallifi bo‘lgan. Transfermarkt portali uning bozor qiymatini 100 million yevroga baholagan.

Aloqador jamoalar va ligalar

Real Madrid