«Real» Uorton uchun 60 mln yevro sarflamoqchi
“Kristal Pelas” klubi yarim himoyachisi Adam Uorton faoliyatini Ispaniya La Ligasida davom ettirishi mumkin. Bu haqda El Nacional nashri xabar berdi.
Manbaga ko'ra, ingliz futbolchisi “Real” klubining jiddiy qiziqishiga sabab bo‘lmoqda. 21 yoshli xavbek Toni Kroosga o‘rinbosar sifatida ko‘rilmoqda.
“Qirolicha klubi” futbolchi uchun taxminan 60 million yevro to‘lashga tayyor. Hozircha “Kristal Pelas” futbolchi bo‘yicha aniq pozitsiyasini bildirgani yo‘q. Biroq, yaxshi taklif tushsa, uni sotishga qarshi emas.
Joriy mavsumda Uorton barcha musobaqalar doirasida jami 13 ta o‘yinda maydonga tushib, bitta golli uzatma muallifiga aylangan. Uning “Kristal Pelas” bilan shartnomasi 2029 yil yozigacha amal qiladi. Transfermarkt portali futbolchining qiymatini 60 million yevroga baholamoqda.
