«Real» Rüdiger bilan kelishuvga erishdi
Antonio 2022 yil yozidan beri "Real" safida to'p surib kelmoqda.
ФОТО: Getty images
"Real" himoyachi Antonio Rüdiger bilan shartnomani uzaytirish bo'yicha kelishuvga erishdi. Yangi bitimga ko'ra, nemis futbolchisi klubda 2026/2027 mavsumining oxirigacha qoladi.
Manbaga ko'ra, "qaymoqranglilar" rahbariyati 33 yoshli himoyachining hali ham yuqori darajada o'ynay olishiga ishonmoqda.
Rüdiger 2022 yil yozidan beri "Real" safida to'p surib kelmoqda. Ushbu mavsumda u barcha musobaqalar doirasida 26 ta o'yinda maydonga tushib, 1 ta gol muallifi bo'ldi.
Transfermarkt ma'lumotlariga ko'ra, futbolchining bozor qiymati hozirda 9 million yevroni tashkil qiladi.
Roziqjon Sultonmurodov
Jurnalist
