«Real» Raysga qiziqish bildirmoqda
Madridning «Real» klubi «Arsenal» yarim himoyachisi Deklan Raysga qiziqish bildirmoqda. Bu haqda TeamTalk xabar bermoqda.
Ispaniyaliklar ingliz futbolchisini kelgusi transfer rejalarining ustuvor maqsadlaridan biri sifatida ko‘rmoqda. «Real» rahbariyati Raysni jamoa yarim himoyasini kuchaytirish uchun mos nomzod deb hisoblamoqda.
Madrid klubida futbolchining transferi bo‘yicha qiziqish avval ham bildirilgan edi, hozir esa bu qiziqish yana kuchaygan. Biroq «Arsenal» Raysni sotish niyatida emas.
Londonliklar 27 yoshli futbolchining amaldagi shartnomasi 2028 yil yozigacha davom etishiga qaramay, unga yangi bitim taklif qilishni rejalashtirmoqda. Klub Rays, Martin Edegor va Yurriyen Timber bilan shartnomalarni uzaytirish bo‘yicha muzokaralarni boshlash arafasida.
