«Real» qishki transferlar vaqtida Makallisterni xarid qilishi mumkin
Madridning «Real» klubi «Liverpul» yarimhimoyachisi Aleksis Makallisterni sotib olish boʻyicha harakatlarni boshlab yubordi. Bu haqda jurnalist Indykalia xabar bermoqda.
26 yoshli futbolchining transferi katta ehtimol bilan yozda amalga oshishi kutilmoqda, biroq manbaga koʻra, «qirollik klubi» uni qishdayoq xarid qilishi ham mumkin.
Qayd etilishicha, mersisaydliklar futbolchini sotishga tayyor boʻlgan miqdorni yaxshi biladi.
Maʼlumot uchun, Makallister 2023 yilning yozidan buyon «Liverpul» sharafini himoya qilmoqda. Bu davr ichida u barcha turnirlarda 105 ta oʻyinda maydonga tushib, 14 ta gol urdi va 14 ta golli uzatmani amalga oshirdi.
Argentinalik futbolchining klub bilan tuzgan amaldagi shartnomasi 2028 yilning yozida yakuniga yetadi. Uning Transfermarkt'dagi narxi 100 million yevroga baholanmoqda.
