“Real Madrid” Xabi Alonso bilan shartnoma imzoladi - Marca

Futbol 09 may 2025 da 07:36

Nasrullo Karimov

Jurnalist

Madridning “Real” klubi Xabi Alonso bilan shartnoma imzoladi. Bu haqda Marca nashri xabar bermoqda.

Manbaga ko'ra, tomonlar 3 yillik shartnoma borasida kelishuvga erishgan. Alonso Madridga 2018-yildan beri birga ishlab kelayotgan yordamchisi Sebas Parrilyani o'zi bilan olib keladi.

Qayd etilishicha, amaldagi bosh murabbiy Karlo Anchelotti 25-may kuni, mavsumning so'nggi o'yinidan so'ng Madrid klubi bilan xayrlashadi.

Eslatib o'tamiz, avvalroq OAV'da “Bayer” Alonsoning ketishiga tayyorgarlik ko'rayotgani va uning o'rniga nomzodlarni o'rganib chiqayotgani haqida xabarlar tarqalgandi.