“Real Madrid” Andrey Lunin o'rniga boshqa darvozabon olib keladi

Futbol 02 may 2025 da 08:56

Nasrullo Karimov

Журналист

Madridning “Real” klubi “Chelsi”ning 30 yoshli darvozaboni Kepa Arrizabalagaga qiziqish bildirmoqda va uni jamoaning zaxira darvozaboni Andrey Luninning o'rniga olib kelmoqchi. Bu haqda Mundo Deportivo nashri xabar bermoqda.

Manbaga ko'ra, ukrainalik golkiper kelasi yozda ispan grandini tark etmoqchi. Bunga sabab qilib o'yin vaqtlari kamligi ko'rsatilgan. Lunin o'z qarori haqida rahbariyatni xabardor qilgan.

Eslatib o'tamiz, Arrizabalaga 2023/2024-yilgi mavsumda ijara asosida “Real” safida to'p surgan. Joriy mavsumda esa ispaniyalik darvozabon “Bornmut” sharafini himoya qilmoqda.

Ma'lumot uchun, Kepaning londonliklar bilan tuzgan amaldagi shartnomasi 2026-yilning yoziga qadar mo'ljallangan. Uning Transfermarkt'dagi narxi 11 million yevroga baholanmoqda.

Aloqador jamoalar va ligalar

Real Madrid

Chelsea

Ispaniya La Ligasi

Angliya Premer-ligasi