«Real» futbolkalar sotuvi boʻyicha dunyoda yetakchilik qilmoqda

Madridning «Real» klubi futbolkalari dunyoda eng ommabop bo‘lib, 2025 yilda sotuv bo‘yicha yetakchilik qilmoqda. Bu haqda Euroméricas Sport Marketing xabar bermoqda.

Klub yil boshidan buyon 3,1 milliondan ortiq futbolka sotgan birinchi jamoaga aylangan. Bu natijaga, ayniqsa, Kilian Mbappe, Vinisius Junior va Jud Bellingem kabi futbolchilarning mashhurligi yordam berdi.

Sotuv bo‘yicha eng yuqori beshlik quyidagilar bilan to‘ldirilgan: «Barselona» (2,9 mln), «PSJ» (2,5 mln), «Bavariya» (2,4 mln) va «Inter Mayami» (2,2 mln).

Ispaniya chempionatida 13 turdan so‘ng, «Real» turnir jadvalida yetakchilik qilmoqda. Jamoaning hisobida 32 ochko bor.

Keyingi turda madridliklar 30 noyabr kuni «Jirona» bilan uchrashadi.

Nasrullo Karimov

Jurnalist