«Real» futbolchilari Xabi Alonsoning oʻyin uslubidan norozi boʻlmoqda

Madridning «Real» klubi ichki muhitida ayrim futbolchilar bosh murabbiy Xabi Alonsoning yondashuvidan norozi ekani aytilmoqda. Bu haqda El Chiringuito nashri xabar berdi.

Manbaga koʻra, bir necha oʻyinchi ispaniyalik mutaxassis ularni haddan tashqari qattiq nazorat ostida ushlab, yetarlicha tushunmayotganini his qilmoqda.

Ayniqsa, futbolchilar murabbiyning Chempionlar ligasi 4-turida «Liverpul»ga qarshi oʻyinning soʻnggi daqiqalarida Trent Aleksandr-Arnoldni maydonga tushirish qarorini tushunmagan. U oʻyinda «Enfild» muxlislari tomonidan hushtak bilan kutib olingan edi.

Maʼlumot uchun, 43 yoshli Alonso o‘tgan yozda «Real» bosh murabbiyi etib tayinlangandi. Uning Madrid klubi bilan tuzgan amaldagi shartnomasi 2028 yilga qadar amal qiladi.

Nasrullo Karimov

Jurnalist