«Real» bosh murabbiyligiga ikki nafar nomzod bor
Asosiy nomzod Mourinyo.
ФОТО: Getty images
Madridning “Real” klubi bosh murabbiy lavozimi uchun nomzodlar sonini besh nafardan ikki nafarga kamaytirdi.
El Mundo nashri xabar berishicha, Madrid klubi Yurgen Klopp, Maurisio Pochetino va Lionel Skaloni taklifini ko‘rib chiqish fikridan voz kechgan.
Eng asosiy nomzod – Joze Mourinyo, u avval ham “Real”ni boshqargan. Zaxira variant sifatida Didye Desham ko‘rib chiqilmoqda, u Jahon chempionatidan so‘ng Fransiya terma jamoasi bosh murabbiyligidan ketadi.
“Real” La Ligada ikkinchi o‘rinda bormoqda va peshqadam “Barselona”dan 11 ochko ortda. Yakshanba, 10 may kuni, jamoalar El-Klassiko doirasida to‘qnashadi.
Roziqjon Sultonmurodov
Jurnalist
