Rasman. Enso Mareska — «Manchester Siti» bosh murabbiyi
“Manchester Siti” klubi italiyalik mutaxassis Enso Mareska jamoaning yangi bosh murabbiyi etib tayinlanganini rasman e’lon qildi.
Ma’lum qilinishicha, mutaxassis jamoa bilan 2029-yilning yoziga qadar mo‘ljallangan uch yillik shartnoma imzolagan.
«Manchester Siti’ — men juda yaxshi biladigan klub. Bu jamoani boshqarish imkoniyatiga ega bo‘lish men uchun ulkan sharafdir. Klub mendan nimalar kutilayotganini yaxshi bilaman. Futbolchilar bilan mashg‘ulotlarni boshlashni sabrsizlik bilan kutyapman. Men g‘alaba qozonishimizni, chiroyli futbol o‘ynashimizni va ‘Manchester Siti’ nomini himoya qilishdek mas’uliyatdan zavq olishimizni xohlayman», deydi Mareska.
Ma’lumot o‘rnida, italiyalik mutaxassis 2024-yilning iyun oyidan 2026-yilning yanvariga qadar “Chelsi” bosh murabbiyi sifatida faoliyat yuritgan.
