Rashford \"Barselona\"ga o‘tishni xohlamoqda
U maoshini kamaytirishga ham qarshi emas.
Photo: Getty Images
Markus Rashford faoliyatini “Barselona”da davom ettirishni istamoqda, deb xabar berdi Marca.
Qayd etilishicha, ingliz futbolchisi "Barselona"ga o‘tish uchun maoshini kamaytirishga ham rozi bo‘lgan.
Biroq Rashford "Barselona"ning hujum chizig‘ini kuchaytirish uchun ustuvor variant emas – kataloniyaliklar Luis Dias va Niko Uilyams nomzodlarini afzal ko‘rmoqda. Lekin klub Rashford variantini ham saqlab turibdi.
O‘tgan mavsumning ikkinchi yarmida 27 yoshli hujumchi "Aston Villa"da ijarada o‘tkazdi. U APLdagi 25 ta o‘yinda 6 ta gol urib, 3 ta golli uzatma berdi.
Roziqjon Sultonmurodov
Jurnalist
