Qozog‘istonda FIFA reytingi natijalaridan norozilik bildirilmoqda
O‘zbekiston terma jamoasi qozog‘lardan ancha yuqori o‘rinni egalladi
Rasm: gettyimages.com
FIFAning yangilangan reytingida O‘zbekiston terma jamoasi 55-pog‘onaga ko‘tarildi. Jamoamiz ikki pog‘ona yuqoriga ko‘tarilib, Osiyodagi eng kuchli olti jamoa qatoriga kirdi.
Ayni paytda qo‘shni Qozog‘iston bir pog‘ona pasayib, 114-o‘ringa tushib qoldi. Ular Vetnam (113) va Madagaskar (115) kabi jamoalar bilan qatorda joylashdi.
Qozog‘istonlik muxlislar o‘z terma jamoasining O‘zbekistondan ancha ortda ekanidan norozi. Fanatlar fikricha, mamlakat futboli jiddiy islohotlarga muhtoj.
Shu bilan birga, avvalroq Qozog‘iston ommaviy axborot vositalari O‘zbekiston jahon chempionatiga yo‘l olishni Osiyoda raqobat darajasi Yevropaga nisbatan past ekani bilan izohlagan edi.
Bakradze Iman
Redaktor