O‘zbekiston U-17 qizlar terma jamoasi Qirg‘iz Respublikasiga qarshi oq libosda o‘ynaydi
Uchrashuv 15-oktabr kuni Toshkent vaqti bilan soat 18:00da Bishkek shahridagi “Dolen Omurzakov” stadionida start oladi.
Фото: ЎФА
15-oktabr kuni O‘zbekiston U-17 qizlar terma jamoasi 2026-yilgi Osiyo kubogi saralash bosqichi “G” guruhining ilk uchrashuvida Qirg‘iz Respublikasiga qarshi bahs olib boradi.
Bugun musobaqa oldidan jamoalar rasmiylari ishtirokida uchrashuv o‘tkazildi. Unda OFK tomonidan ishtirokchilarga musobaqaga doir bir qator yo‘nalishlarda, xususan, reglament, hakamlik, tibbiyot, media va marketing masalalari bo‘yicha tushuntirish va eslatmalar berib o‘tildi.
O‘zbekiston U-17 qizlar terma jamoasi ilk bahsda to‘liq oq libosda, darvozabonimiz esa to‘q sariq libosda harakatlanishi ma’lum bo‘ldi.
Eslatib o‘tamiz, uchrashuv 15-oktabr kuni Toshkent vaqti bilan soat 18:00da Bishkek shahridagi “Dolen Omurzakov” stadionida start oladi.
Roziqjon Sultonmurodov
Jurnalist