O‘zbekiston Kubogi yarimfinalchilari shu kunda ma’lum bo‘ladi
O‘zbekiston futbol kubogining eng mas’uliyatli bosqichi — yarimfinal uchun qur’a tashlash aynan shu kunda amalga oshiriladi. Bu haqda O‘zPFL matbuot xizmati xabar berdi. Qur’a tashlash marosimi "Bunyodkor" — "Buxoro" o‘yini yakuniga yetgach "Jar" stadionida bo‘lib o‘tadi. Muxlislar jarayonni Futbol TV orqali to‘g‘ridan-to‘g‘ri efirda kuzatishlari mumkin.
Hozircha yarimfinalda ishtirok etishi aniq bo‘lgan ikki jamoa bor: "So‘g‘diyona" va "Paxtakor". Endi ular qur’a orqali raqibini bilib oladi.
Bugun yarimfinalga so‘nggi yo‘llanmalar uchun ikki muhim bahs kutilmoqda:
• soat 18:30 da "Dinamo" — "Sho‘rtan"
• soat 19:30 da "Bunyodkor" — "Buxoro"
Kubokdagi har bir bahs muxlislarga alohida zavq ulashmoqda va bugungi natijalar yarimfinal tarkibini to‘liq belgilab beradi.
