Ozarbayjon Premer-ligasining 4-turida «Sabah» o‘z maydonida «Zira»ni qabul qildi
Ozarbayjon Premer-ligasining 4-turida «Sabah» o‘z maydonida «Zira»ni qabul qildi. Bahs mezbonlarning 5:0 hisobidagi g‘alabasi bilan yakunlandi.
Mezbonlar 7-daqiqadayoq hisobni ochdi. V. Simichning golidan so‘ng 14-daqiqada J. Mikels penaltini aniq amalga oshirib, farqni ikkitaga yetkazdi. 30-daqiqada Mikels yana bir bor gol urib, «Sabah»ning ustunligini mustahkamladi.
Ikkinchi bo‘lim boshida, 50-daqiqada C. Nvachukvu hisobni 4:0 ko‘rinishiga keltirdi. 56-daqiqada J. Mikels o‘yindagi uchinchi golini urib, «Sabah»ning 5:0 hisobidagi yirik g‘alabasini ta’minladi.
O‘zbekistonlik yarimhimoyachi Umarali Rahmonaliyev «Sabah»ning asosiy tarkibida maydonga tushdi va 66-daqiqada zaxiraga olindi. Hamyurtimiz jamoasining uchinchi va to‘rtinchi gollariga assistentlik qildi.
Ushbu natijadan so‘ng «Sabah» chempionatda 3 ta o‘yinda 9 ochko jamg‘arib, turnir jadvalida peshqadamlik qilmoqda.
OPL. 4-tur
Sabah — Zira 5:0
Gollar: Simich 7, Mikels 14 (penalti), 30, 56, Nvachukvu 50
Sabah: Pokatilov, Solvet, Rashdemirov, Isayev, Nvachukvu, Lepinitsa, Rahmonaliyev (Mbina, 66), Mutallimov, Mikels, Puxach, Simich.
