Озарбайжон Премер-лигасининг 4-турида «Сабаҳ» ўз майдонида «Зира»ни қабул қилди
Озарбайжон Премер-лигасининг 4-турида «Сабаҳ» ўз майдонида «Зира»ни қабул қилди. Баҳс мезбонларнинг 5:0 ҳисобидаги ғалабаси билан якунланди.
Мезбонлар 7-дақиқадаёқ ҳисобни очди. В. Симичнинг голидан сўнг 14-дақиқада Ж. Микелс пеналтини аниқ амалга ошириб, фарқни иккитага етказди. 30-дақиқада Микелс яна бир бор гол уриб, «Сабаҳ»нинг устунлигини мустаҳкамлади.
Иккинчи бўлим бошида, 50-дақиқада C. Нвачукву ҳисобни 4:0 кўринишига келтирди. 56-дақиқада Ж. Микелс ўйиндаги учинчи голини уриб, «Сабаҳ»нинг 5:0 ҳисобидаги йирик ғалабасини таъминлади.
Ўзбекистонлик яримҳимоячи Умарали Раҳмоналиев «Сабаҳ»нинг асосий таркибида майдонга тушди ва 66-дақиқада захирага олинди. Ҳамюртимиз жамоасининг учинчи ва тўртинчи голларига ассистентлик қилди.
Ушбу натижадан сўнг «Сабаҳ» чемпионатда 3 та ўйинда 9 очко жамғариб, турнир жадвалида пешқадамлик қилмоқда.
ОПЛ. 4-тур
Сабаҳ — Зира 5:0
Голлар: Симич 7, Микелс 14 (пеналти), 30, 56, Нвачукву 50
Сабаҳ: Покатилов, Сольвет, Рашдемиров, Исаев, Нвачукву, Лепинитса, Раҳмоналиев (Мбина, 66), Муталлимов, Микелс, Пухач, Симич.
