OKMK «G‘azalkent»ga qarshi ikkala nazorat uchrashuvida ham g‘alaba qozondi
FIFA kunlari munosabati bilan chempionatlarda yuzaga kelgan tanaffusdan unumli foydalanish maqsadida OKMK futbol klubi Pro Liga vakili «G‘azalkent» jamoasiga qarshi 4–5-iyul kunlari ikkita nazorat uchrashuvi o‘tkazdi.
Har ikki bahsda ham «konchilar» ishonchli o‘yin namoyish etib, g‘alabaga erishdi. Dastlabki uchrashuv 3:1, ikkinchi nazorat bellashuvi esa 5:1 hisobida OKMK foydasiga yakunlandi.
Birinchi uchrashuvda Hazratjon Tursunqulov, Nodirbek Abdurazzoqov va Rian Islamov bittadan gol muallifi bo‘ldi.
Ikkinchi bahsda esa Urosh Koyich, Siavash Haqnazari raqib darvozasini bir martadan ishg‘ol qilgan bo‘lsa, Mirjamol Qosimov xet-trik qayd etib, jamoamizning yirik g‘alabasiga munosib hissa qo‘shdi.
Birinchi uchrashuvdagi tarkibimiz: Muhammad Ubaydullayev, Ahmadullo Muqimjonov, Abubakr Rizo Turdialiyev, Abror Sarimsoqov, Shahzod Toirov, Eldorbek Begimov, Rian Islomov, Arihiro Sentoku, Hazratjon Tursunqulov, Ali Abdurahmonov, Nodirbek Abdurazzoqov
Ikkinchi uchrashuvdagi tarkibimiz: Javohir Ilyosov, Dilshodbek Ahmadaliyev, Avazbek O’lmasaliyev, Abror Karimov, Saidafzalxon Ahrorov, Giorgi Papava, Siavash Haqnazari, Mirjamol Qosimov, Aziz Xolmurodov, Asadbek Sobirjonov, Urosh Koyich
