Noyer: «Bu mavsum so‘nggisi bo‘lishi mumkin»
«Bavariya» darvozaboni Manuel Noyer faoliyatini yakunlash ehtimoli haqida fikr bildirdi.
40 yoshli posbon «Borussiya» Dortmundga qarshi Germaniya Superkubogi bahsidan so‘ng kelajagi haqida so‘ralganda, ushbu mavsum uning faoliyatidagi so‘nggi mavsum bo‘lishi mumkinligini tan oldi.
«Endi ushbu mavsumdan zavq olish vaqti. Keyin esa ko‘ramiz. Ammo ha, bu mening so‘nggi mavsumim bo‘lishi mumkin», — dedi Noyer.
Ma’lumot uchun, Noyerning «Bavariya» bilan amaldagi shartnomasi 2026 yil yozida yakunlanganidan so‘ng uning kelajagi borasida turli xabarlar tarqalgan edi. Biroq darvozabon hozircha faoliyatini davom ettirishga qaror qildi.
U yangi mavsumni ham jamoa sardori sifatida boshladi va 22 avgust kuni «Borussiya» Dortmundga qarshi Superkubokda 2:1 hisobidagi g‘alabaga hissa qo‘shdi.
