Neymar Braziliya terma jamoasi uchun murabbiy tanladi
Braziliya terma jamoasi va “Santos” klubi hujumchisi Neymar portugaliyalik mutaxassis Xorxe Jezusning terma jamoaga bosh murabbiy etib tayinlanishiga qarshi chiqdi. Bu haqda ESPN Brazil nashri xabar bermoqda.
Eslatib o'tamiz, avvalroq Braziliya Dorival Juniorni iste'foga chiqardi va yangi murabbiy qidirmoqda. Hozirda ushbu o'rin uchun “Al-Hilol” bosh murabbiyi Xorxe Jezus va “Real” ustozi Karlo Anchelotti asosiy nomzod sifatida ko'rilmoqda.
Manbaga ko'ra, Neymar Jezusni jamoada ko'rishni istashmayapti. Ma'lumotlarga qaraganda, u Anchelotti nomzodini qo'llab-quvvatlamoqda.
Eslatib o'tamiz, Neymar 2025-yilning yanvar oyida “Al-Hilol”ni tark etib, “Santos” safiga borib qo'shilgandi. Hujumchi saudiyaliklar safida 18 oy davomida bor-yo'g'i 7 ta o'yinda maydonga tushdi.
