«Napoli» – Italiya Superkubogi sohibi
David Neres dublga erishdi.
ФОТО: Getty images
Italiya Superkubogi final uchrashuvi “Napoli” va “Bolonya” jamoalari o‘rtasida yakunlandi.
Bellashuv Saudiya Arabistonining Er-Riyod shahridagi “Al-Avval Park” stadionida bo‘lib o‘tdi. Unda Neapol klubi 2:0 hisobida g‘alaba qozondi.
“Napoli”ning qanot hujumchisi David Neres uchrashuvning 39-daqiqasida hisobni ochdi. Ikkinchi bo‘limda esa Neres 57-daqiqada dublini rasmiylashtirdi.
Italiya Superkubogi yarim finalida “Napoli” “Milan”ni 2:0 hisobida mag‘lub etgan bo‘lsa, “Bolonya” “Inter”ni (1:1, penaltilar seriyasida 3:2) ortda qoldirgan edi.
Qayd etish joiz, Italiya Superkubogida eng ko‘p g‘alaba qozongan jamoa Turinning “Yuventus”i bo‘lib, bu sovrinni to‘qqiz marta qo‘lga kiritgan.
Italiya Superkubogi. Final
Napoli 2:0 Bolonya
Gollar: Neres 39, 57
Roziqjon Sultonmurodov
Jurnalist
