Myunxenning «Bavariya» jamoasi hujumchisi Tomas Myuller «Inter»ga qarshi mag'lubiyat haqida fikr bildirdi
Myunxenning «Bavariya» klubi hujumchisi Tomas Myuller Italiya «Inter» jamoasiga qarshi Chempionlar ligasi chorak finalidagi mag'lubiyatdan so'ng intervyu berdi. Ikki uchrashuv natijalariga ko'ra nemis klubi 3:4 hisobida mag'lub bo'ldi va yarim finalga «Inter» yo'l oldi.
«Bavariya»ning rasmiy sayti bergan ma'lumotga ko'ra, nemis forvardi shunday dedi:
«Albatta, biz ranjidik… Lekin, “ranjidik” degani nima? Rostini aytsam, men u qadar tushkunlikka tushmadim, chunki oxir-oqibat, bu shunchaki futbol. Men o'yinlarni har doim shaxsiy nuqtai nazardan baholayman: o'zimni to'liq maydonda berdimmi? Oynaga qarab o'zimga qaray olamanmi? Jamoamiz 100 foiz kuch bilan o'ynadimi? Albatta, bu haqida ko'p gapirish mumkin, lekin biz Italiya eng kuchli jamoasiga qarshi o'ynadik, ular bu paytga qadar Chempionlar ligasi mavsumida faqat ikkita gol o'tkazgandi. Biz 1:0 hisobida oldinda bordik, o'yinga yaxshi kirdik, lekin ular ham kuchli jamoa. Balki oxirgi besh daqiqa ichida gol urish imkoni bo'lgan, o'shanda bugun boshqacha vaziyatda turgan bo'lardik».
Yarim finalda «Inter» Kataloniyaning «Barselona» klubi bilan to'qnash keladi.
