MYU Yevropa Ligasida g'alaba chiqsa, 100 million funtga futbolchi sotib olmoqchi

Futbol 19 apr 2025 da 09:59

Nasrullo Karimov

“Manchester Yunayted” agarda Yevropa Ligasida g'alaba qozonib, Chempionlar Ligasiga yo'llanma olsa “Sautgempton”ning 19 yoshli vingeri Tayler Diblingni o'z safiga qo'shib olmoqchi. Bu haqda ESPN nashri xabar bermoqda.

Manbaga ko'ra, “Sautgempton” angliyalik futbolchining transferi uchun 100 million funt so'raydi. Agar “qizil iblislar” keyingi mavsum YChL'ga yo'llanma olsa, kamida 80 million funt ishlab oladi. Ular bu pulni Diblingni sotib olish uchun ishlatishi mumkin.

Ma'lumot uchun, Dibling joriy mavsum barcha turnirlarda 33 ta o'yinda maydonga tushib, 4 ta gol urdi va 3 ta golli uzatmani amalga oshirdi. Uning Transfermarkt'dagi narxi 25 million yevroga baholanmoqda.

Aloqador jamoalar va ligalar

Manchester United

Southampton

Angliya Premer-ligasi