MYU 39 yoshli darvozaboni bilan shartnomani uzaytirmoqchi

Futbol 10 may 2025 da 11:05

Roziqjon Sultonmurodov

Jurnalist

"Manchester Yunayted" 39 yoshli darvozabon Tom Xiton bilan shartnomani uzaytirmoqchi. Bu haqda insayder Fabrizio Romano xabar berdi.

Manbaga ko‘ra, "Manchester Yunayted" Xiton bilan shartnomani yana bir mavsumga uzaytirish bo‘yicha muzokaralarni boshladi. Murabbiylar shtabi uning yosh futbolchilar bilan ishlashga qo‘shgan hissasini yuqori baholagani uchun shunday qarorga kelmoqda.

Tom Xiton avval "Manchester Yunayted" yoshlar jamoasida o‘ynagan. Darvozabon 2004 yildan 2010 yilgacha klubga tegishli bo‘lgan. Bu davrda Xiton ko‘pincha boshqa jamoalarda ijarada o‘ynagan va Manchester klubida birorta ham o‘yin o‘tkazmagan.

Angliyalik futbolchi 2021 yilda, 35 yoshida, "Manchester Yunayted"ga qaytgan va "qizil iblislar" safida jami 3 ta o‘yinda maydonga tushgan.

Aloqador jamoalar va ligalar

Manchester United

Angliya Premer-ligasi