Mourinyo «Real» ustoziga aylansa, Rodrini jamoaga olib kelmoqchi
Transfermarkt portaliga ko‘ra, uning bozor qiymati 65 million yevroga baholanmoqda.
ФОТО: Getty images
«Benfika» bosh murabbiyi Joze Mourinyo Madridning «Real» klubiga tayinlanishga yaqin turibdi va u «qaymoqranglar» safiga «Manchester Siti» yarim himoyachisi Rodrini olib kelishni istamoqda. Bu haqda Football Insider xabar berdi.
Manbaga ko‘ra, 29 yoshli futbolchining «shaharliklar»dagi kelajagi hozircha noaniq bo‘lib qolmoqda. Rodri 2027 yil yozigacha amal qiladigan shartnomasini hali uzaytirmagan. Shu bilan birga, «Manchester Siti» 2024 yil «Oltin to‘p» sohibi bo‘lgan futbolchini jamoada saqlab qolish niyatida.
Joriy mavsumda Rodri barcha musobaqalarda 32 ta uchrashuvda ishtirok etib, 2 ta gol urdi. Transfermarkt portaliga ko‘ra, uning bozor qiymati 65 million yevroga baholanmoqda.
Roziqjon Sultonmurodov
Jurnalist
