“Milan” “Manchester Siti”ning Reynders bo'yicha birinchi taklifini rad etdi
FOTO: Getty Images
Italiyaning “Milan” klubi “Manchester Siti”ning Tijani Reynders bo'yicha yuborgan taklifini rad etdi. Bu haqda jurnalist Matteo Moretto xabar bermoqda.
Manbaga ko'ra, inglizlar 26 yoshli gollandiyalik futbolchi uchun 60 million yevro taklif qilgan, ammo “rossonerilar” bu summani yetarli emas deb hisoblaydi.
Qayd etilishicha, “Manchester Siti” tez orada yanada yaxshilangan taklif bilan chiqishi kutilmoqda.
Ma'lumot uchun, Reynders o'tgan mavsum A Seriyasining eng yaxshi yarim himoyachisi deb topildi. U chempionatda 37 ta o'yinda maydonga tushib, 10 ta gol urdi va 5 ta golli uzatmani amalga oshirdi.
Nasrullo Karimov
Jurnalist
