Messi «Barselona»ni tark etishi haqida: «Klubni xohlaganimdek tark eta olmadim»
Argentina milliy jamoasi va «Inter Mayami» hujumchisi Lionel Messi 2021 yilda «Barselona»ni tark etgani haqidagi his-tuygʻulari bilan boʻlishdi.
«Men oʻsha davrni gʻalati his-tuygʻular bilan eslayman. Pandemiya sababli soʻnggi mavsumimni muxlislarsiz oʻtkazishga majbur boʻldim. Men klubni orzu qilganimdek tark eta olmadim. Butun faoliyatimni «Barselona»da oʻtkazishni tasavvur qilgandim», — dedi Messi.
Eslatib oʻtamiz, Messi 2003 yildan 2021 yilga qadar «Barselona» sharafini himoya qilgan. Bu davr ichida u barcha turnirlarda 778 ta oʻyinda maydonga tushib, 672 ta gol urgan va 303 ta golli uzatmani amalga oshirgan.
Argentina yulduz shu vaqt ichida 10 marta Ispaniya chempioni, 7 marta Ispaniya Kubogi va 4 marta Chempionlar ligasi gʻolibi boʻlgan.
