Mbappe YChL tarixida oʻziga xos natija qayd etdi

«Real» hujumchisi Kilian Mbappe Chempionlar ligasi tarixida safardagi o‘yinlarda eng ko‘p xet-trik qayd etgan futbolchiga aylandi — 4 ta. Bu haqda Squawka xabar bermoqda.

Chempionlar ligasi umumiy bosqichining 5-turida «Olimpiakos»ga qarshi bahsda (4:3) fransiyalik forvard toʻrtta gol urishga muvaffaq boʻldi.

Mbappe joriy mavsumda allaqachon 9 ta gol kiritdi va o‘zining Chempionlar ligasidagi shaxsiy rekordini yangiladi. Bungacha uning eng yaxshi ko‘rsatkichlari 8 ta golni tashkil qilgan edi — bu natija unga 2020/2021 hamda 2023/2024 mavsumlarida «PSJ» tarkibida erishilgan.

Ayni paytda «Real» Chempionlar ligasi turnir jadvalida 12 ochko bilan beshinchi o‘rinda bormoqda. Keyingi turda madridliklar «Manchester Siti»ga qarshi maydonga tushadi.

Nasrullo Karimov

Jurnalist