Mbappe “Real”ning o'tgan mavsumdagi eng yaxshi futbolchisi deb topildi
FOTO: Getty Images
Fransiyalik hujumchi Kilian Mbappe “Real Madrid”ning 2024/2025-yilgi mavsumdagi eng yaxshi futbolchisi deb topildi. Bu haqda klub matbuot xizmati xabar berdi.
Mbappe o'tgan mavsum La Ligada 34 ta o'yinda maydonga tushib, 31 ta gol urdi va 3 ta golli uzatmani amalga oshirdi hamda chempionat to'purariga aylandi.
Shuningdek, u Chempionlar Ligasida 14 ta o'yin o'tkazib, 7 ta gol va 2 ta golli uzatmaga mualliflik qildi.
Ma'lumot uchun, “Real” 84 ochko bilan La Ligada ikkinchi o'rinni egalladi. Chempionlik 88 ochko jamg'argan “Barselona”ga nasib etdi.
Nasrullo Karimov
Jurnalist
