Mbappe «Real»dagi eng yaxshi oʻyinini aytdi
Bu bahs Chempionlar ligasiga to'g'ri keladi.
ФОТО: Getty images
Madridning “Real” klubi hujumchisi Kilian Mbappe “qaymoqranglilar” safidagi qaysi oʻyinini eng yaxshisi deb hisoblashi haqidagi savolga javob berdi.
“Manchester Siti”ga qarshi oʻyinda xet-trik qayd etganimda. Bu 100 ichidan 100 ballik chiqishga oʻxshardi. Bu Chempionlar ligasi oʻyini, pley-off bosqichi edi. Men “Santyago Bernabeu”da xet-trik qayd etdim”, — deya Mbappening soʻzlarini keltiradi AS nashri Sorare YouTube kanaliga tayanib.
Mbappe 2024/2025-yilgi mavsum Chempionlar ligasining 1/8 finalida oʻynash huquqi uchun “Manchester Siti”ga qarshi javob oʻyinida (3:1) xet-trik qayd etdi. Bu gʻalaba “qaymoqranglilar”ga musobaqaning 1/8 finaliga chiqishga yordam berdi.
