Mbappe «Real»da mavsumning eng yaxshi futbolchisi deb topildi
Eslatib o'tamiz, Mbappe 25 ta gol urib, La Liga to'purari bo'ldi.
ФОТО: Getty images
Madridning "Real" klubi o'zining rasmiy saytida 2025/2026 yilgi mavsum yakunlariga ko'ra eng yaxshi futbolchi nomini e'lon qildi.
Bu sovrin "qaymoqranglilar"ning frantsiyalik hujumchisi Kilian Mbappega nasib etdi. U bu sovrinni ketma-ket ikkinchi mavsum qo'lga kiritmoqda.
Eslatib o'tamiz, Mbappe 25 ta gol urib, La Liga to'purari bo'ldi. Shuningdek, u amaldagi Chempionlar Ligasi to'purarlari ro'yxatida birinchi o'rinda bormoqda (15 ta gol).
Yakunlangan mavsumda Kilian "Real" safida jami 44 ta o'yin o'tkazib, 42 ta gol urdi. U to'rt marta "Qirollik klubi"da oyning eng yaxshi futbolchisi deb topilgan. Mbappe mavsum oxiridagi ba'zi o'yinlarni jarohati sababli o'tkazib yubordi.
Roziqjon Sultonmurodov
Jurnalist
