Martin: «Biz bu oʻyinga har doimgidek yondashamiz, endi ochko yoʻqotishga haqqimiz yoʻq»
«Barselona» himoyachisi «Ayntraxt»ga qarshi bahs haqida oʻz fikrlarini bildirib oʻtdi.
FOTO: Getty Images
«Barselona» himoyachisi Jerard Martin Chempionlar ligasi umumiy bosqichining 6-turidan oʻrin olgan «Ayntraxt»ga qarshi o‘yin borasida o‘z fikrlarini bildirdi.
«Biz yaxshi formadamiz va rivojlanishda davom etishni istaymiz. Ertaga bizni juda muhim o‘yin kutmoqda — Chempionlar ligasida endi ochko yo‘qotish imkonimiz yo‘q. Biz bu o‘yinga ham har qanday uchrashuv kabi yondashamiz: turnir jadvalida yuqoriga ko‘tarilish uchun g‘alaba qozonishimiz shart», — dedi Martin.
Eslatib o‘tamiz, umumiy bosqichda beshta o‘yin ortda qolgach, «Barselona» 7 ochko to‘plagan holda turnir jadvalining o‘rta qismida joylashgan. «Ayntraxt» esa 4 ochko bilan 28-o‘rinda bormoqda.
