Markus Reshford kelajagi borasida bir qarorga keldi
FOTO: Getty Images
Ijara asosida “Aston Villa”da to'p surayotgan “Manchester Yunayted” hujumchisi Markus Reshford kelajagi borasida bir qarorga keldi. Bu haqda Give Me Sport nashri xabar bermoqda.
Manbaga ko'ra, angliyalik forvard “Barselona”ga o'tmoqchi. U faoliyatini Chempionlar Ligasida muntazam ishtirok etadigan klubda davom ettirmoqchi.
Qayd etilishicha, Reshford “Manchester Yunayted”ga qaytishni istamayapti.
Ma'lumot uchun, Markus Reshford joriy mavsum barcha turnirlarda 41 ta o'yinda maydonga tushib, 11 ta gol urdi va 9 ta golli uzatmani amalga oshirdi. Uning Transfermarkt'dagi narxi 50 million yevroga baholanmoqda.
Nasrullo Karimov
Jurnalist
