“Manchester Yunayted” o'z e'tiborini “Vulverxempton” himoyachisiga qaratdi

“Manchester Yunayted” “Vulverxempton”ning o'ng qanot himoyachisi Nelson Semedoga qiziqish bildirmoqda. Bu haqda Football Transfers xabar bermoqda.

Manbaga ko'ra, 31 yoshli futbolchi yozgi transferlar vaqtida “qizil iblislar” safiga qo'shilishi mumkin. Chunki uning “bo'rilar” bilan tuzgan amaldagi shartnomasi 30-iyun kuni yakuniga yetadi.

Ta'kidlanishicha, Semedo klub bilan shartnomasini 4 yilga uzaytirish taklifiga qaramay, “Vulverxempton”ni tark etmoqchi.

Ma'lumot uchun, Semedo joriy mavsum barcha turnirlarda 38 ta o'yinda maydonga tushib, 5 ta golli uzatmani amalga oshirdi. Uning Transfermarkt'dagi narxi 10 million yevroga baholanmoqda.

Nasrullo Karimov

Jurnalist